Via de werkgroep “Itters Leesplenkske” kregen we onderstaand bericht. Als we elkaar toch zien bij een nieuwjaarstreffen in huiselijke kring of misschien wel zondag in de Aw Sjaol, hebben we iets om met elkaar te overleggen:
Op de ierste plaats bedânk veur ’t sjture van wäörd veur ’t Itters leesplenkske.
Die höb geer geplaats op de site ‘De bis van Ittere es te …’ of nao ôs per mail.
Veer höbbe alle wäörd en mèt de naam van de inzender in alfabetise volgorde veur uuch in ’n verzamellies gezat mèt es titel: Itterse? wäörd verzamellies.
Wilt geer estebleef hienao kieke, of veer alles good höbbe opgesjreve en niks höbbe vergete?
De wäörd zin neet altiet good gesjreve, mer dao komme veer later op trök.Veer zin waal 2 dinger vergete te vertèlle,
1. Örges mote veer ’n grens trèkke en die ‘grens’ is veur ôs ’t Mesjtreechs.
Dus es ’t woord auch in ’t Mesjtreechs besjteit (https://www.mestreechtertaol.nl/) dan keump ’t neet in aanmerking veur ’t Itters leesplenkse mèt allein mer typisch Itterse wäörd. En daorum sjteit in d’n titel van de verzamellies ’n vraogteike achter ‘Itterse’.
Inkele veurbeelde:
– ‘sjotelsplak’ is ouch in ’t Mesjtreechs ‘sjotelsplak’ en dus gein typisch Itters woord
– sjtangkètsel is ouch in ’t Mesjtreechs ‘stangkètsel‘ (waal mèt ‘n spitse s-klânk).
– vösjgeirt is e good Itters woord, want in ’t Mesjtreechs is ‘t ‘vèsgeert’.In ’t Itters zin netuurlik bès väöl wäörd, die auch in Gäöl, Bung, Meersje en in nog väöl miejer dörpe ‘tzelfde zin. Mer zoelang ’t neet typisch Bungs of Meersjes is (twjè , sjroap dan is ’t oké veur ‘t Itters leesplenkse.
2. Én veer zeuke wäörd, die mèt e pleetsje gevisualiseerd kinne weure.
Wäörd es: ‘lengs’ of ‘ongebejd’ kinne veer neet mèt e pleetsje op ’t leesplenkske visualisere.Bie wäörd es: ‘bol’ of ‘vösjgeirt’ kin dat waal.
Mèt dees mededelinge verzeuke veer uuch, um nog ins good nao te dinke euver typisch Itterse wäörd veur ’t Itters leesplenkske.
Alvas bedânk!
De Dörpsraod,
en Robert Slangen
