Zaoterdeg is ’t weer zoe wied: de Vreigeleire rope hunne Hoeglöstigheid oet. Op zaoterdeg 19 november roond de klok vaan 16:11 oor weurt op de trappe bij de kèrrek ’t maske vaan ’t geziech vaan de groete onbekinde gehaold. Daan wete veer wee geit regere euver ’t riek tösse kanaal en Maas en vaan de Leump tot aon Hartelstein. Is ’t ‘nne prins of ’n prinses, getrojd mèt twie kinder en kin noete leze? Komp allemaol loere en daonao is bij d’n Tabbernakel ‘nne geweldige DJ dee de gaanse tent op z’nne kop zèt.
Ammezeer uuch.
