Op zaoterdeg 13 november um 15:11 oor geit de confetti weer de loch in en dan weite veer ouch wee de nuije Prins of prinses weurt euver ’t Itterse riek dat löp van de Maas tot Kenaal en van de Lömp tot de kop van de Geul.
De Vreigeleire höbbe dan hun sjieke pèkskes aan en in ’t midde steit dan de groete onbekinde mèt ’t prinselik mombakkes op zien of häör sjnoets. Komp allemaol nao de trappe van de Kèrrek en maak ’t groet spectakel van Ittere mèt.
Van teveure numme de Vreigeleire aofscheid van Prinses Magge 1e die nao Corona, ’n ekstra jaor prinsessesjap heet gehad. Nao al deez festiviteite kint geer nog gèt naoklètse in d’n Tabbernakel boe Daniëlle en häör “crew” veur d’n draank en e hèpke zörreg en DJ Dennis veur de meziek.
2 reacties
In ittere zeige ze wei, neet wee.
Danke Maart,
Iech höb ’t veranderd.