Zaoterdegmiddeg, ’t zunneke sjeen lèkker tege de kèrrektore aon, en ederein kos zien tot de klok op 11 minute nao drei stong, wie ’t bengkelik memint waor aongebroke. Van teveure waor aofsjeid genome vaan Prins Theo 1e vaan de groete Vreigeleire en Jeugdprins Giovanny I en Jeugdprinses Narnia van de Vreigeleirkes van veurig jaor. Dao stong iemes te bubbele op häör bein meh wie ’t maske van häör geziech aofging waor bekind wee us zal veurgoon in de Itterse vastelaovend van 2020: Prinses Meggy 1e.
Zie woent op Gening same mèt Manfred Winkens (dee Ittere veurgegange is in 1998). Veer winse häör ’t allerbèste mèt väöl lol en plezeer same mèt al die Vreigeleire.
